SEJARAH AKSARA BALI
Sejarah Aksara Bali nenten sida lempas ring panglimbak aksara saking India, santukan panglimbak agama Hindu miwah Budha ring panegara Indonesia, taler rauh ring Bali kasarengin antuk basa miwah aksaranyane.
Ring panegara India, wenten aksara sane kawastanin aksara Karosti. Saking aksara Karosti puniki nglimbak dados aksara Brahmi. Mawit saking aksara Brahmi puniki nglimbak dados aksara Dewanegari miwak aksara Pallawa. Aksara Dewanegari kanggen ring India Utara sajeroning nyurat basa Sansekerta. Aksara Pallawa kanggen ring India Selatan sajeroning nyurat basa Pallawa. Panglimbak aksara Dewanegari miwah Pallawa ring Indonesia nganutin panglimbak agama Hindu miwah Budha. Mawit saking panglimbak aksara Dewanegari miwah Pallawa puniki, mawetu wenten aksara Kawi utawi aksara Indonesia Kuna. Saking Aksara Kawi puniki kasuen-suen ngraris mauah dados aksara Jawi miwah aksara Bali, taler dados aksara-aksara tiosan sane mangkin wenten ring Indonesia.
Ring Bali panglimbak aksara Dewanegari miwah aksara Pallawa kakeniang ring Pura Penataran Sasih Pejejng, kakeniang stupa-stupa kecil sane madaging cap antuk tanah legit madaging sasuratan aksara Pradewanegari utawi Siddhamatrka. Sesuratan punika kanggen nyuratang mantra Buddha Tathagata. Ring Pura Blanjong Sanur, kakeniang tugu peringatan Sri Kesari Warmadewa sane madaging. sesuratan aksara Dewanegari miwah aksara Bali Kuna. Aksara Dewanegari kanggen nyurat basa Bali Kuna, aksara Bali Kuna kanggen nyurat basa Sansekerta.
Aksara selanturnyane sane nglimbak wantah aksara Pallawa. Pinaka cihnamyane kakeniang sesuratan aksara Pallawa sane kawastanin aksara Semi Pallawa. mawit saking aksara semi Pallawa puniki ngraris nglimbak wangunnyane dados aksara Kediri Kwadrat miwah dados aksara Jawi rauhing dados aksara Bali. Sasuratan aksara Pallawa punika kakeniang ring Pura Bale Agung Sembiran. Wangun aksara Bali gumanti bunteran, puniki wantah cihnanyane wangun aksara Bali mawit saking aksara Dewanegari sajeroning aksara Bali minakadi
Posting Komentar