Uger-uger nyurat Aksara Ardasuara

tut balance
November 25, 2021


Aksara ardasuara ᬬ᭞ᬭ᭞ᬮ᭞ᬯ᭞ prasida sakadi aksara wianjana miwah aksara suara. Yening sakadi wianjana, wangunnyane manggeh sakadi jati mula inggih punika ᬬ᭞ᬭ᭞ᬮ᭞ᬯ᭞ yening sakadi suara, wangunnyane mauah dados pangangge ardasuara inggih punika

᭄ᬬ᭞᭄ᬭ᭞᭄ᬮ᭞᭄ᬯ᭞

a. Saluiring kruna lingga kalih kecap, yening silih tunggil kecapnyane aksara ardasuara, ardasuara punika sakadi wianjana;

biu -- ᬩᬶᬬᬸ᭞

tua -- ᬢᬸᬯ᭞

b. Kruna-kruna ring sor puniki, aksara ardasuara sakadi suara:

tabia --- ᬢᬩ᭄ᬬ᭞

satua --- ᬲᬢ᭄ᬯ᭞

c. Sajeroning kruna lingga yening kecape ring ajeng (ᬭ),(   ᭄ᬭ),( ᬃ  ) utawi (ᬋ) ring pungkurnyane wenten kecap antuk aksara wianjana (ᬦ), aksara (ᬦ) punika kagentosin antuk (ᬡ)

Upami:

margarana --- ᬫᬵᬃᬕᬭᬡ᭞

truna --- ᬢ᭄ᬭᬸᬡ᭞

warna --- ᬯᬃᬡ᭞

suka rena --- ᬲᬸᬓᬋᬡ᭞


Pakeling **

1. Aksara ardasuara ᬭ᭞ miwah ᬮ᭞ wenang mapepet  ᭂ᭞ patut kagentosin antuk ᬋ miwah ᬍ

lekad --- ᬍᬓᬤ᭄᭞

rereh --- ᬋᬋᬄ᭞

2. Gantungan ᬮ᭞  wenang mapepet    ᭂ᭞   sakewanten gantungan ᬭ᭞   tan wenang mapepet, kagentosin antuk     ᬺ᭞

bleganjur --- ᬩᬼᬕᬜ᭄ᬚᬸᬃ᭞

krekuak --- ᬓᬺᬓ᭄ᬯᬓ᭄᭞

3. Yening kecap kruna marupa ᬋ᭞  magenah ring pungkur aksara wianjana nengen, patut mauah dados gempelan

wenten reka satua.

ᬯᬾᬦ᭄ᬢᭂᬦ᭄ᬋᬓᬲᬢ᭄ᬯ᭟