Uger-uger nyurat Aksara Tengenan

Tengenan inggih punika aksara wianjana sane nengen.

Tengenan puniki kasinahang antuk pangangge tengenan miwah gantungan utawi gempelan.

1. Tengenan ᬗ᭞

a. Tengenan ᬗ᭞ ring kecap panguntat kruna, mauah dados cecek (   ᬂ᭞)

upami:

pucung --- ᬧᬸᬘᬸᬂ᭞

rendang --- ᬋᬦ᭄ᬤᬂ᭞

blulang --- ᬩ᭄ᬮᬸᬮᬂ᭞

barang --- ᬩᬭᬂ᭞

b. Saluiring kruna lingga kalih kecap sane wianjananyane pateh tur makakali polih tengenan ᬗ᭞ wenang makakalih dados cecek    ᬂ᭞ yadiastun sampun kaanusuarayang utawi polih seselan -er- miwah -el-.

Upami:

cangcang --- ᬘᬂᬘᬂ᭞

crangcang --- ᬘ᭄ᬭᬂᬘᬂ᭞

bengbeng --- ᬩᬾᬂᬩᬾᬂ᭞

brengbeng --- ᬩ᭄ᬭᬾᬂᬩᬾᬂ᭞

kungkung --- ᬓᬸᬂᬓᬸᬂ᭞

klungkung --- ᬓ᭄ᬮᬸᬂᬓᬸᬂ᭞

c. Tengenan ᬗ᭞ ring kecap pangawit kruna lingga sane aksara wianjananyane mabinayan, kantun manggeh matengenan.

Upami:

bungsil --- ᬩᬸᬗ᭄ᬲᬶᬮ᭄᭞

panggang --- ᬧᬗ᭄ᬕᬂ᭞

blungking --- ᬩ᭄ᬮᬸᬗ᭄ᬓᬶᬂ᭞

jangkrik --- ᬚᬗ᭄ᬓ᭄ᬭᬶᬓ᭄᭞

d. Tengenan ᬗ᭞ ring kecap pangawit kruna-kruna ring sor mauah dados cecek  ᬂ᭞  anggen ngicalang pasang tumpuk tiga.

Upami:

angklung --- ᬳᬂᬓ᭄ᬮᬸᬂ᭞

sungklit --- ᬲᬸᬂᬓ᭄ᬮᬶᬢ᭄᭞

jungkling --- ᬚᬸᬂᬓ᭄ᬮᬶᬂ᭞

d. Wastan genah ring sor puniki sinengguh saking kalih kruna.

Upami:

pangkungtibah--- ᬧᬗ᭄ᬓᬸᬂᬢᬶᬩᬄ᭞

pangkungkarang --- ᬧᬗ᭄ᬓᬸᬂᬓᬭᬂ᭞

tulangnyuh --- ᬓᭀᬢᬸᬮᬂᬜᬸᬄ᭞

2. Tengenan ᬭ᭞

Saluiring tengenan ᬭ᭞ mauah dados surang   ᬃ᭞

Upami:

sekar --- ᬲᭂᬓᬃ᭞

karma --- ᬓᬃᬫ᭞

gelar --- ᬕᭂᬮᬃ᭞

pidarta --- ᬧᬶᬤᬃᬣ᭞

3. Tengenan ᬳ᭞

a. Saluiring tengenan ᬳ᭞ mauah dados bisah ᬄ᭞

Upami:

puseh --- ᬧᬸᬲᭂᬄ᭞

lebih --- ᬍᬩᬶᬄ᭞

seseh --- ᬲᬾᬲᬾᬄ᭞

kaliakah --- ᬓᬮᬶᬳᬓᬄ᭞

b. Saluiring kruna lingga kalih kecap sane aksara wianjananyane pateh tur makakalih polih tengenan ᬳ᭞ wenang makakalih mauah dados bisah ᬄ᭞  yadiastun sampun kaanusuarayang.

Upami:

cahcah --- ᬘᬄᬘᬄ᭞

kohkoh --- ᬓᭀᬄᬓᭀᬄ᭞

nyahcah --- ᬜᬄᬘᬄ᭞

ngohkoh --- ᬗᭀᬄᬓᭀᬄ᭞

c. Tengenan ᬳ᭞ ring kecap pangawit kruna lingga sane kecap aksara wianjannyane mabinayan, kantun manggeh matengenan.

Upami:

cihna --- ᬘᬶᬳ᭄ᬦ᭞

lahru --- ᬮᬳ᭄ᬭᬸ᭞

brahmana --- ᬩ᭄ᬭᬵᬳ᭄ᬫᬡ᭞

bahmi --- ᬩᬳ᭄ᬫᬶ᭞

d. Wastan genah ring sor puniki sinanggeh saking kalih kruna.

Upami:

asahduren --- ᬳᬲᬄᬤᬸᬭᬾᬦ᭄᭞

asahgobleg --- ᬳᬲᬄᬕᭀᬩ᭄ᬮᬾᬕ᭄᭞

4. Tengenan adeg-adeg   ᭄᭞

a. Ring panguntat kruna.

Upami:

katak --- ᬓᬢᬓ᭄᭞

buluk --- ᬩᬸᬮᬸᬓ᭄᭞

kuluk --- ᬓᬸᬮᬸᬓ᭄᭞

medal --- ᬫᭂᬤᬮ᭄᭞

b. Ring panguntat bagian lengkara wiadin panguntat lengkara.

Upami:

dugase nulis lamaran, I Nyoman mecik pelengan.

ᬤᬸᬕᬲᬾᬦᬸᬮᬶᬲ᭄ᬮᬫᬭᬦ᭄᭞ᬳᬶᬜᭀᬫᬦ᭄ᬫᭂᬘᬶᬓ᭄ᬧᬾᬮᬾᬗᬦ᭄᭟

embokne ngadep poh di peken. 

ᬳᭂᬫ᭄ᬩᭀᬓ᭄ᬦᬾᬗᬤᭂᬧ᭄ᬧᭀᬄᬤᬶᬧᭂᬓᭂᬦ᭄᭟

c. Ring tengahing kruna kanggen ngicalang pasang aksara tumpuk tiga.

Upami:

tamblang --- ᬢᬫ᭄‌ᬩ᭄ᬮᬂ᭞

samblung --- ᬲᬫ᭄‌ᬩ᭄ᬮᬸᬂ᭞

gemblong --- ᬕᬾᬫ᭄‌ᬩ᭄ᬮᭀᬂ᭞

tamblingan --- ᬢᬫ᭄‌ᬩ᭄ᬮᬶᬗᬦ᭄᭞

d. Ring tengahing lengkara kanggen ngamanggehang pasang

Upami:

I Ketut Garing

ᬳᬶᬓᭂᬢᬸᬢ᭄‌ᬕᬭᬶᬂ᭟

watek kesatriyane ngamuk.

ᬯᬢᭂᬓ᭄‌ᬓ᭄ᬱᬢ᭄ᬭᬶᬬᬦᬾᬗᬫᬸᬓ᭄᭟

Pakeling**

Adeg-adeg kasurat ring tengahing lengkara kanggen nyihnayang aksara ardasuara sakadi wianjana mangda nenten iwang ngwacen.

Upami:

Sira sane ngemit rain Idane?

ᬲᬶᬭᬲᬦᬾᬗᭂᬫᬶᬢ᭄‌ᬭᬳᬶᬦᬶᬤᬦᬾ᭟

5. Polih gantungan utawi gempelan.

Tengenan ring tengah kruna, tengah bagian lengkara, miwah tengah lengkara polih gantungan utawi gempelan kasurat sakadi ring sor.

Upami:

bakti --- ᬪᬓ᭄ᬢᬶ᭞

sampi --- ᬲᬫ᭄ᬧᬶ᭞

Ulian covid sing nyidang masuk.

ᬳᬸᬮ᭄ᬬᬦ᭄‌᭞ᬓᭀᬧᬶᬤ᭄‌᭞ᬲᬶᬂᬜᬶᬤᬂᬫᬲᬸᬓ᭄᭟

6. Tengenan majalan

Tengenan majalan pacang wenten yening kruna sane ring ajeng mapanguntat antuk aksara nengen, tur kruna utawi pangiring ring pungkurnyane kakawitin antuk aksara suara.

Upami:

rain idane --- ᬭᬳᬶᬦᬶᬤᬦᬾ᭞

sampat ijuk --- ᬲᬫ᭄ᬧᬢᬶᬚᬸᬓ᭄᭞

Pakeling**

a. Tengenan majalan wantah kamanggehang sajeroning kruna (dwi lingga miwah kruna satma).

Upami:

alun-alun --- ᬳᬮᬸᬦᬮᬸᬦ᭄᭞

jebug arum --- ᬚᭂᬩᬸᬕᬭᬸᬫ᭄᭞

b. Tengenan majalan ketahnyane wantah kanggen ngamanggehang guru-lagu sajeroning kakawin.